Sepleriň elýeterliligi

Soňky habar

Russiýa, Täjigistan we Özbegistan awgustda owgan serhediniň golaýynda harby türgenleşik geçirmekçi


Kollektiw Howpsuzlyk Şertnamasy Guramasynyň bir esgeri täjik-owgan serhedine golaý sebite syn edýär.
Kollektiw Howpsuzlyk Şertnamasy Guramasynyň bir esgeri täjik-owgan serhedine golaý sebite syn edýär.

Demirgazyk Owganystanda “Talyban” hüjümçileriniň hökümet goşunlaryna hüjüm etmegi boýunça Merkezi Aziýa ýurtlarynda barha güýçlenýän howpsuzlyk aladalarynyň arasynda Russiýa, Täjigistan we Özbegistan täjik-owgan serhediniň golaýynda bilelikde harby tälim-türgenleşik geçer.

Russiýanyň Merkezi harby okrugynyň komandiri Aleksandr Lapin 19-njy iýulda žurnalistlere beren maglumatynda tälim-türgenleşigiň 5-10-njy awgust aralygynda Täjigistanyň “Harb-Maýdon” harby meýdanynda geçiriljekdigini mälim etdi.

Merkezi Harby okrugynyň metbugat sekretary Russiýanyň Täjigistandaky harby bazasynyň işgärleriniň, daglyk harby tehnika goşunlarynyň, tank we artilleriýa goşunlarynyň, şeýle-de okrugyň ýörite güýçleriniň tälim-türgenleşiklere gatnaşjakdygyny mälim etdi.

Soňky hepdelerde güýçlenýän “Talyban” hüjümleriniň arasynda ýüzlerçe owganystanly, şol sanda polisiýa we hökümet güýçleri ýurtdan gaçyp, Täjigistana we Özbegistana girdi.

XS
SM
MD
LG