BMG-niň başlygy Moskwanyň öz goňşusyna esassyz hüjüm etmegi sebäpli, Russiýanyň Ukraina garşy başlan harby çozuşynyň güýçlenmeginiň adam hukuklarynyň bozulmagynyň köpelmegine alyp gelendigini aýtdy.
BMG-niň Baş sekretary Antonio Guterriş 28-nji fewralda Ženewada Adam hukuklary geňeşiniň açylyş dabarasynda eden ýazylan çykyşynda Milletler guramasynyň bu ýagdaýa gözegçilik edýän toparlarynyň wakalaryň bolup geçýän ýerinde ýerleşýändigini aýtdy.
"Russiýa Federasiýasynyň Ukrainadaky harby operasiýalarynyň möwjemegi adam hukuklarynyň bozulmagynyň hem möwjäp galmagyna sebäp bolýar" diýip, Guterriş aýtdy. Ol goşmaça maglumat bermedi.
"Biz Ukrainadaky adamlaryň ählisine mätäç wagtynda olaryň ýanynda durýandygymyzy görkezmelidiris" diýip, ol sözüniň üstüni ýetirdi.