ABŞ-nyň Döwlet departamenti Türkmenistanda geçirilen irki prezident saýlawlary boýunça çap eden beýanatynda Birleşen Ştatlaryň Türkmenistanyň halkynyň syýasata gatnaşmagyny höweslendirmäge dowam etdirjekdigini aýtdy.
Synçylar türkmen halkynyň syýasatdan bilkastlaýyn üzňe saklanýandygyny, ilat arasynda syýasy sowatlylygyň ýokarlanmagynyň häkimiýetler tarapyndan öňüniň alynýandygyny aýdýarlar.
Demokratik ýurtlarda halkyň syýasata gatnaşmagy höweslendirilýär. Halkyň syýasata gatnaşmagyna rugsat berilýän, höweslendirilýän ýurtlarda raýatlar öz durmuşyna täsir edýän kararlara gönüden-göni täsir edip bilýärler. Raýatlaryň pikirleri alga alynýar. Syýasata gatnaşmak höweslendirilýän ýurtlarda raýat jemgyýetiniň ösmegi üçin şert döreýär.
Awtoritar ýurtlarda raýatyň sesi häkimiýetler tarapyndan gysylýar. Raýatlar karar kabul ediji merkezleriň, häkimiýetleriň alyp barýan syýasatyna täsir edip bilmeýär.
Saýlawlar raýatlaryň syýasata gatnaşygynyň gerimini görkezýän gurallaryň biridir. Türkmenistanyň merkezi saýlaw topary 12-nji martda geçirilen saýlawlara gatnaşygyň ýokary bolandygyny aýdýar. Synçylar Merkezi saýlaw toparynyň resmi sanlaryna şübheli çemeleşýärler.
Eýsem, Türkmenistanda raýatlar ýurtda alnyp barylýan syýasata nä derejede gatnaşyp bilýär? Syýasata gatnaşygy höweslendirmek üçin nähili şertler gerek?
Dünýä Türkmenleri gepleşiginiň bu sany Türkmenistanda halkyň syýasata gatnaşygynyň ýagdaýy bilen gyzyklanýar.
Gepleşigimize Pragadan türkmen ýazyjysy Hudaýberdi Hally gatnaşdy.
Tejende wifi gowy işlenok köseýär!.
Bir tarapdan siziň maglumatlaryňyz kimdir birine peýda getirýär, emma beýleki bir tarapdan bolsa zyýan getirýär. Ynha, siziň habarçylaryňyz aldygyna maglumat baryny ugratdylar mekdeplerde okuwçylardan pul ýygnanýanlygy barada. Indi biz mugallymlar okuwçylardan ýygnan 50, 80 manat aralygyndaky pullary yzyna gaýtaryp berdik. Netijede bolsa, öz hasabymyza 4000-5000 manat jübimizden çykaryp, mekdebi remont etmeli bolduk. Eger gaýratyňyz bolsa, bizede ýardam ediň. Biziň tutuş bir aýlyk hakymyzy çagalarymyzyň agzyndan kesip bermäge ýagdaýymyz ýok. Goý, Gorono diýdi, bilim ministrligi diýdi, olar öz hasaplaryna remont etsinler mekdepleri. Ýa-da siziň habarçylaryňyz peşeden pil ýasap, bize zyýan getirmesinler. Bir maşgaladan tutuş ýylyň dowamynda 80 manat bilim alýan ojagyna pul çykarmak ullakan bir çökder zat däl ahbeti. Olaryň käbirleriniň kakasy günde 30-40 manady araga-çilime-de oklap dur. Ýardamyňyzy bize-de ýetiriň. Gaýrat ediň.