Birleşen Arap Emirlikleriniň (BAE) lideri Şeýh Halifanyň aradan çykmagynyň yzýany, Şeýh Muhammed bin Zaýed Al Nahýan ýurduň prezidenti hökmünde saýlandy.
61 ýaşly Şeýh Muhammedi bu wezipä 14-nji maýda ýurduň Ýokary federal geňeşi saýlady. Munuň bilen, Şeýh Muhammed 1971-nji ýylda kakasynyň düýbüni tutan Pars aýlygyndaky nebite baý bu döwletiň başyna geçdi.
Ýokary federal geňeşiň düzümine BAE-niň ýedi emirliginiň dolandyryjylary girýär.
Halifa 13-nji maýda 73 ýaşynda ýogaldy. Ol 2014-nji ýylda ýürek näsazlygyny başdan geçireninden bäri, köpçülikde kän görünmeýärdi.