Sowet döwrüniň belli estrada ýyldyzy we “Laskowyý Maý” aýdym-saz toparynyň agzasy Ýuriý Şatunow 48 ýaşynda Moskwa regionynda aradan çykdy.
Şatunowyň metbugat wekiliniň 23-nji iýunda beren maglumatyna görä, ol öten agşam keselhanada ýürek näsazlygyndan ýogalypdyr.
1973-nji ýylda Russiýanyň Başkortostan respublikasynda doglan Şatunow 11 ýaşynda ejesini ýitirýär we Orenburg şäheriniň ýetimler öýüne ýerleşdirilýär.
13 ýaşynda ol “Laskowyý Maý” toparynyň öňdebaryjy agzasyna öwrülýär. Topar 1992-nji ýylda dargaýar.
Sowet Soýuzynyň dargamagyndan soň, 1991-nji ýylda emele gelen ykdysady çökgünligiň arasynda Şatunow Germaniýa göçýär.
Ol aradan birnäçe ýyl geçenden soň gaýtadan Russiýa dolandy we özüniň solo karýerasyny dowam etdirdi.