Şri-Lankanyň parlamentiniň başlygy 15-nji iýul güni irden prezident Gotabaýa Rajapaksanyň 14-nji iýul güni giçlik wezipesinden çekilmek barada resmi taýdan arza berendigini aýtdy.
Ykdysady kynçylyklar sebäpli birnäçe aý dowam eden protestlerden soň wezipesinden çekiljegini aýdan Rajapaksa 13-nji iýulda, wezipesinden çekilmeli güni daşary ýurda gaçdy.
Şri-Lankanyň paýtagty Kolombo şäherinde hökümet binalaryny eýelän protestçiler, parlament spikeri Mahinda Ýapa Abeýwardena bilen geçirilen gepleşikleriň dowamynda hökümet binalaryndan çykamaga razy boldular.
Parlamentiň Rajapaksanyň 2024-nji ýylda gutarýan prezidentlik möhletini tamamlap, täze prezident saýlamak üçin 20-nji iýulda ýygnanyşmagyna garaşylýar.
Rajapaksa 13-nji iýulda ýurtdan gaçyp, Maldiw adalaryna, soňra Singapura bardy.
Ol işden çekilmek baradaky arzasyny e-poçta arkaly, Singaburdan iberdi.
Singapur hökümeti Şri-Lankanyň öňki prezidentiniň "şahsy saparda" bolýandygyny we gaçybatalga soramandygyny aýtdy.
Şri-Lankadaky dartgynlyklar hökümet tarapyndan yglan edilen adatdan daşary ýagdaý wagtynda has ýokary galdy.