Owganystanyň paýtagty Kabulda, aglaba şaýylaryň köplük bolup ýaşaýan sebitinde amala aşyrylan partlamada azyndan iki adam öldi, başga-da 22-si ýaralandy.
Soňky iki günde amala aşyrylan bu ikinji hüjümiň jogapkärçiligini sünnüleriň ýolbaşçylygyndaky “Yslam döwleti” ekstremistiki topary öz üstüne aldy.
6-njy awgustdaky parlama paýtagtyň Suhteh Pul etrabynda, şaýy musulmanlarynyň köplük bolup ýaşaýan sebitinde amala aşyryldy.
Mundan bir gün öň, Kabulyň şaýy musulmanlarynyň aglaba sebitinde bolan partlamada azyndan sekiz adam heläk boldy, başga-da 18-ne şikes ýetdi. YD jeňçileriniň öz üstüne alan bu hüjümi şaýylaryň Aşura baýramynyň öňýanyna gabat geldi.