Türkmenistan bilen BAE energetika we himiýa pudaklarynda hyzmatdaşlygy ösdürmek ylalaşygyna geldi diýip, prezident Serdar Berdimuhamedow bilen Birleşen Arap Emirlikleriniň prezidenti Şeýh Mohammed bin Zaýed Al Nahaýýanyň Abu-Dabi şäherinde geçiren gepleşikleriniň netijesinde kabul edilen Beýannamada aýdylýar.
Taraplar ykdysady ulgamda hyzmatdaşlygyň ähmiýetini belläp, bu ugurdaky mümkinçilikleri ara alyp maslahatlaşdylar hem-de nebit-gaz, nebiti gaýtadan işleýän, himiýa we dikeldilýän energiýa ýaly, ileri tutulýan pudaklarda bilelikdäki tagallalary artdyrmagy göz öňünde tutýandyklaryny beýan etdiler diýlip, resminamada bellenilýär.
Şeýle-de, maýa goýum hyzmatdaşlygyny pugtalandyrmak üçin, bilelikdäki taslamalar amala aşyrylan wagtynda taraplaryň iki döwletiň telekeçilerine goldaw berjekdigi aýdylýar.