Sepleriň elýeterliligi

Soňky habar

Hytaýda COVID-19 ýokuşmasynyň bir gündäki iň ýokary derejesi hasaba alyndy


Hytaý häkimiýetleri koronawirus ýokuşmasynyň bir gündäki iň ýokary derejesini - takmynan 31,700 adamyň Covid -19 bilen keselländigini hasaba aldy. TASS bu habary Hytaýyň arassaçylyk we saglyk baradaky döwlet komitetine salgylanyp çap etdi.

Şol bir wagtda, bir gün öň hasaba alnan näsaglaryň 87 göterimi simptomsyz wirus ýokuşanlar boldy. 23-nji noýabrda Hytaýda COVID-19 näsaglygy sebäpli ýene bir adam öldi, ýurtda koronawirusdan ölenleriň sany 5223-e ýetdi.

Mundan öň Hytaýda COVID-19 keseli bilen näsaglan adamlaryň sanynyň iň ýokary görkezijisi 14-nji aprelde hasaba alyndy, şonda bir günde 29 müňden gowrak adama wirus ýokuşdy.

23-nji noýabrda Hytaýda koronawirus ýokuşmak howpy ýokary ýa-da ýokarlanan sebitleriň 19 müňüsi kesgitlenildi. Alty aý ozal olar bary-ýogy 56 sanydy.

XS
SM
MD
LG