Eýran 24-nji noýabrda ýurduň milli futbol toparynyň öňki agzasyny, tanymal futbolçyny hökümeti tankyt edendigi üçin tussag etdi.
Häkimiýetleriň bütin ýurdy gurşap alan halk protestlerini basyp ýatyrmak üçin görýän gazaply çäreleri Eýranyň dünýä çempionatyndaky bäsleşigine kölege saldy.
Ýarym resmi “Fars” we “Tasnim” habar gulluklary dünýä çempionatyna gitmek üçin saýlanyp alynmadyk Woria Gafuriniň “milli futbol toparyny kemsidip, hökümete garşy eden wagyzlary” üçin tussag edilendigini habar berdi.