Rus güýçleri sekiz aýlyk basyp alyşdan soň yza çekilmezlerinden öň Ukrainanyň Herson şäherindäki iki muzeýden, katedraldan we milli arhiwden müňlerçe gymmatly taryhy enjamlary, sungat eserlerini taladylar diýip, adam hukuklaryny goraýan “Human Rights Watch” guramasy 20-nji dekabrda aýtdy.
"Hersondaky basyp alyşlygyň soňky günlerinde rus goşunlary bu ýerdäki kartinalary, altyn-kümüşleri, gadymy grek eserlerini, dini nyşanlary we taryhy resminamalary Russiýanyň gözegçiligindäki ýerlere barýan ýük awtoulaglaryna ýüklediler" diýip, HRW guramasynyň wekili Belkis Wille aýtdy.
HRW-nyň maglumatyna görä, rus güýçleri 24-nji fewraldan bäri Ukrainanyň günortasynda azyndan bäş sany medeni guramany taladylar. Adam hukuklaryny goraýan gurama bu talaňçylygyň uruş jenaýatyna barabardygyny aýdýar.