Rus güýçleri, esasy ünsüni Donetskdäki Bahmut we Awdiýwka gönükdirmek bilen, gündogardaky aragatnaşyk liniýalarynyň boýundaky ukrain pozisiýalarynyň ählisini artilleriýa okuna tutdy diýip, Ukrainanyň Ýaragly güýçleriniň baş ştaby 28-nji dekabrda aýtdy.
Ruslar günorta sebitde we Herson şäherinde ýene Dnieper derýasynyň aňyrsyndan raýat desgalaryny, Dnipropetrowskdäki nyşanalary topa tutdular diýip, harbylar we sebit resmileri aýtdy.
"Duşman Bahmut we Awdiýiwka ugurlaryndaky [Donetskde] hüjüm hereketlerini dowam etdirýär we Liman ugrundaky taktiki pozisiýany gowulaşdyrmaga synanyşýar" diýip, baş ştab habar berdi.
Rus goşunlary soňky 24 sagadyň dowamynda Hersondaky ukrain harby we raýat pozisiýalaryna 33 gezek artilleriýa hüjümini etdiler, bir raketa atdylar diýip, harbylar aýtdy.
Rus goşunlary öten agşam Dnipropetrowsk sebitiniň Nikopol etrabyna hüjüm etdiler diýip, sebit harby administrasiýasynyň başlygy Walentin Rezniçenko 28-nji dekabrda habar berdi.