Russiýa koronawirusyň "Omikron" wariantynyň bir görnüşi diýlip atlandyrylýan "Krakeniň" birinji hadysasyny resmi taýdan hasaba aldy diýip, 12-nji ýanwarda "Rospotrebnadzor" döwlet gözegçilik edarasy aýtdy.
COVID-19-yň örän ýokuşagan görnüşiniň Russiýanyň Penza sebitinde hasaba alnandygy mälim edildi.
4-nji ýanwarda Bütindünýä saglyk guramasy tarapyndan koronawirusyň bilinýän iň ýokuşagan görnüşi yglan edilen "Kraken" ilkinji gezek geçen ýylyň oktýabrynda Birleşen Ştatlarda hasaba alnypdy.
Şondan soň bu görnüş Ýewropa ýurtlarynyň birnäçesinde hem ýüze çykaryldy.