Rus harby gullukçysy Belgorod sebitindäki Tonenkoýe fermasynyň golaýynda ýerleşýän harby bölümde granat ýardy, golaýdaky ok-däri ammarynda dörän partlamalar netijesinde ýangyn turmagyna sebäp boldy.
"Interfaks" habar gullugynyň maglumatyna görä, esger RGD-5 el granatyny tötänlikde ýardy we netijede üç esger ölüp, 16 adam ýaralandy, ýene sekiz adam bolsa dereksiz ýitdi.
Bu waka günäkär bolan harbynyň özüniň aman galandygy we keselhana ýerleşdirilendigi habar berildi.
Ölenleriň mobilizlenen esgerlerdigi aýdylýar. Bu hadysa barada häzirlikçe hiç bir resmi düşündiriş berilmedi.