Owganystanyň Tebigy betbagtçylyklar boýunça ministrligi Owganystan aşa sowuk howa zerarly azyndan 166 adamyň ölendigini 28-nji ýanwarda aýtdy.
Owganystanda 10-njy ýanwardan bäri -33 gradusa ýetýän pes temperatura dowam edýär. Gar ýagýar, buz emele gelýär, elektrik togy yzygiderli kesilýär.
Kömek guramalary sowukdan öň Owganystandaky 38 million ilatyň ýarysyndan gowragynyň açlyga duçar bolýandyklaryny, 4 milliona golaý çaganyň bolsa ýeterlik iýmitlenmeýändigini duýdurypdy.
Ministrlik 28-nji ýanwarda beren beýanatynda geçen hepde ölenleriň sanynyň ýene 88 adam köpelip, 166-a ýetendigini aýtdy.