Germaniýanyň kansleri Olaf Şolz 8-nji martda belleniljek Halkara aýal-gyzlar gününiň öňüsyrasynda eden wideo çykyşynda Eýranda we Owganystanda aýal-gyzlara garşy edilýän zorluk-sütemi ýazgardy.
Bu iki ýurtda "öz hukuklarynyň goragynda durýan aýal-gyzlar berk göreşýärler“ diýip, ol aýtdy.
“Erkinlik we adalat ugrunda berk göreşýänleriň ählisi hatda öz janlaryny hem töwekgellik astyna salýarlar” diýip, Şolz 4-nji martda çap edilen wideo çykyşynda nygtady.
"Bu bagyşlanyp bilinmejek ýagdaý" diýip, ol sözüniň üstüni ýetirdi.
Germaniýa adam hukuklaryny we aýal-gyzlaryň hukuklaryny goraýanlaryň tarapynda durýar diýip, german kansleri aýtdy.