Türkmenistanyň Halk maslahatynyň başlygy Gurbanguly Berdimuhamedow 15-nji martda Aşgabatda guruljak döwrebap lukmançylyk desgalarynyň birbada üçüsiniň düýbüni tutmak dabarasyna gatnaşdy.
Bu desgalaryň gurluşygy Türkiýäniň “Gap Inşaat Ýatyrym we Dyş Tijaret A.Ş.” türk kompaniýasyna ynanyldy.
Halkara onkologiýa ylmy-kliniki merkeziniň, Halkara pediatriýa merkeziniň we Stomatologiýa merkeziniň gurluşyklarynyň düýbüni tutmak çäreleri G.Berdimuhamedowyň prezident bolan ýyllarynda däp bolşy ýaly, uly dabara, aýdym-saz we alkyşlar bilen geçirildi, metbugatda giňden beýan edildi we döwlet ýolbaşçylarynyň ilatyň saglygy üçin edýän uly aladalarynyň subutnamasy hökmünde magtaldy.
Şeýle-de, döwlet eýeçiligindäki metbugatyň habaryna görä, G.Berdimuhamedow Aşgabatdaky Hezreti Omar metjidinde, öz galam hakynyň hasabyna, Türkiýede bolan ýer titremesinde ýogalanlaryň hatyrasyna sadaka berdi.
