Sepleriň elýeterliligi

Soňky habar

Russiýada Halkara jenaýat kazyýetiniň kazylaryna garşy kazyýet işi açyldy


Russiýanyň prezidenti Wladimir Putin we çagalaryň hukuklary boýunça ombudsmen Mariýa Lwowa-Belowa
Russiýanyň prezidenti Wladimir Putin we çagalaryň hukuklary boýunça ombudsmen Mariýa Lwowa-Belowa

Russiýanyň Derňew komiteti Halkara jenaýat kazyýetiniň prokurory Karim Ahmad Hana, kazylar Tomoko Akane, Rosario Salwatore Aýtala we Serhio Gerardo Ugalde Godinese garşy jenaýat işini açdy. Olar biraz öň Russiýanyň prezidenti Wladimir Putini we çagalaryň hukuklary boýunça ombudsmen Mariýa Lwowa-Belowany tussag etmek barada karar çykardy.

Derňew komitetiniň nukdaý nazaryndan, Putin bilen Lwowa-Belowanyň jenaýat jogapkärçiligine çekilmegi "aç-açan bikanun, sebäbi olaryň jenaýat jogapkärçiligine çekilmegi üçin hiç hili esas ýok".

Karim Ahmad Han, rus edarasynyň metbugat beýanatyna görä, bigünä adamy bilkastdan jogapkärçilige çekdi we ony agyr ýa-da aýratyn agyr jenaýat etmekde bikanun aýyplady. Derňew komiteti kazylary "bilkastdan bikanun tussag etmek kararyny çykarmakda" aýyplady.

Kazyýet, "halkara gatnaşyklaryny çylşyrymlaşdyrmak maksady bilen, halkara goragyndan peýdalanýan daşary ýurt döwletiniň wekiline hüjüm etmäge taýýarlanýar" diýip, rus tassyklamasynda aýdylýar

Derňew komiteti döwlet baştutanlarynyň "daşary ýurt döwletleriniň ýurisdiksiýasyndan doly eldegrilmesizlik hukugyndan" peýdalanýandygyny aýtdy. (Halkara jenaýat kazyýeti, uruş jenaýatlaryny derňemek we jogapkärçilige çekmek meselesinde, döwlet baştutanlarynyň eldegrilmesizligini ykrar etmeýär.)

XS
SM
MD
LG