ABŞ harbylary amerikan hökümetiniň işgärlerini Hartumdan ewakuasiýa etdi diýip, prezident Jo Baýden 22-nji aprelde aýtdy. Ol Sudanda garşydaş komandirleriň öz arasynda söweşler dowam edýän mahaly, Waşingtonyň bu ýurtdaky ilçihanasynyň işini togtadýandygyny aýdyp, sözüniň üstüni ýetirdi.
“Sudandaky bu tragiki zorluk eýýäm ýüzlerçe bigünä raýatyň janyny aldy” diýip, Baýden beýanat berdi. “Bu wyždansyzlyk bolýar we bes edilmeli”
Beýleki daşary ýurt döwletleri Sudanyň Gyzyl deňiz portunda ewakuasiýa işlerine başlady.
Gandöküşikli şäher söweşi Sudanyň paýtagtynda köp adamy çykgynsyz goýdy, howa menzili ýapyldy, käbir ýollar petiklendi.