Jemi 106 sany uruş ýesiri rus bendiliginden boşadylyp, yzyna, Ukraina getirildi diýip, prezident Wolodymyr Zelenskiniň edara başlygy Andriý Ýermak 25-nji maýda aýtdy.
Uruş ýesirleriniň çalşylmagy netijesinde boşadylanlar gündogar Bahmut şäherinde söweşen harby gullukçylar diýip, Ýermak sözüniň üstüni ýetirdi.
"Biz öz adamlarymyzyň 106-syny öýe getirýäris. Olar Bahmut frontunyň esgerleri - sekiz ofiser, 98 esger we seržant ... Olaryň her biri biziň ýurdumyz üçin gahryman" diýip, Ýermak telegramda ýazdy.
Ukrain häkimiýetleri 7-nji maýda şol güne çenli 2300-den gowrak ukrainalynyň rus ýesirliginden boşadylandygyny aýtdylar.