ABŞ-nyň döwlet sekretary Antoni Blinken Türkiýäni Şwesiýanyň NATO-a goşulmagyny tassyklamak baradaky işlerini haýal etmän jemlemäge çagyrdy. Ol demirgazyk ýurdunyň Ankaranyň görkezen meselelerini çözmek üçin eýýäm möhüm çäreleri görendigini aýtdy.
Blinken 30-njy maýda, Şwesiýanyň premýer-ministri bilen bilelikde geçirilen metbugat ýygnagynda eden çykyşynda Waşingtonyň NATO-nyň iýul aýynyň ortalarynda geçiriljek we bileleşigiň ýurtlarynyň baştutanlaryny bir ýere jemlejek sammitinde Şwesiýanyň harby ýaranlyga goşulmagyny wagtynda tamamlamak işini dowam etdirjekdigini aýtdy.