ABŞ-nyň serhedini, esasan Meksikanyň üsti bilen, bikanun geçen 119 özbek raýaty Daşkende iberildi. Bu barada 21-nji dekabrda Özbegistanyň Zähmet migrasiýa agentligi habar berdi.
Agentligiň Telegram kanalynda ýerleşdiren wideosynda yzyna ugradylan bir özbek raýaty Meksika-ABŞ serhedinden geçip bilmegi üçin, sentýabrda bir araça 5 müň dollar berendigini aýtdy.
Oktýabrda Fox News tele-kanaly 2021-nji ýyldan bäri Birleşen Ştatlara 13 müň 600 özbek raýatynyň bikanun girendigini habar berdi.
Awgustda Waşington Özbegistandan adamlary gaçakçylyk ýoly bilen ABŞ-a eltýän toruň duruzylandygyny aýtdy.