Premýer-ministr Benýamin Netanýahu söweşiň “güýçli tapgyrynyň” tamamlanýandygyny aýdanyndan soň, Ysraýyl 25-nji iýunda Gazany bombalamagy dowam etdirdi.
Bu, Birleşen Ştatlaryň öz ýaranyny Liwan serhedinde dartgynlylygy has-da güýçlendirmezlige çagyranyndan soň boldy.
Ysraýyl güýçleri has ýowuz hüjümleri amala aşyrdy. Gaza şäherindäki iki mekdepde we bir öýde 13 adam öldi.
Ysraýyl käbir esgerleri Gazadan Liwan serhedine ýerleşdirmegi meýilleşdirýärkä, ABŞ-nyň Döwlet sekretary Antoni Blinken 24-nji iýunda ýurduň goranmak ministrine zorlugyň ýaýramagyna ýol bermezlik üçin basyş etdi.