ABŞ-nyň döwlet sekretarynyň kömekçisiniň orunbasary Wiktoriýa Nuland ukrain resmileri we raýat jemgyýetiniň wekilleri bilen gepleşmek üçin Kiýewe geldi diýip, Amerikanyň Ukrainadaky ilçisi Bridget Brink 31-nji ýanwarda aýtdy.
"Şu gün biz, Russiýanyň Ukrainadaky agressiýasyny ýeňip geçmek baradaky umumy borçnamamyzy nygtamak üçin, hökümet ýolbaşçylary, weteranlar we raýat jemgyýeti bilen duşuşarys" diýip, Brink ozal twitter diýlip atlandyrylan X platformasynda ýazdy.
Nulandyň sapary, respublikan kanun çykaryjylarynyň garşylygy sebäpli, ABŞ Kongresinde Ukraina berilmeli 61 milliard dollar kömegi hem öz içine alýan goşmaça çykdajy kanunynyň tassyklanylman saklanylýan wagtyna gabat geldi.