Bişkek kazyýeti 9-njy aprelde “Temirow Live” derňew toparynyň tussag edilen sekiz habarçynyň dördüsini öý tussaglygyna geçirmegi buýurdy.
Kazyýet karary esasynda Joodar Buzumow, Tynystan Asypbekow, Maksat Tajibek-uulu we Saýpidin Soltanaliýew dagy türme tussaglygyndan öý tussaglygyna geçirilmeli edildi.
Bu dört adam 16-njy ýanwarda, köpçülikleýin bidüzgünçiliklere çagyrmakda aýyplanan 11 žurnalistiň arasynda tussag edilipdi.
Mundan öň, mart aýynda bu 11 žurnalistiň iki sanysy öý tussaglygyna geçirildi, olaryň biri Bişkekden çykmazlyk şerti bilen boşadyldy.
Hukuk toparlary bu žurnalistleriň tussag edilmegini ýazgardy we bu çäräni erkin metbugata edilen hüjüm diýip atlandyrdy.