Duşenbäniň häkimi we täjik parlamentiniň ýokarky palatasynyň başlygy Rustam Emomali Pekinde Hytaýyň premýer-ministriniň orunbasary He Lifeng bilen duşuşyp, iki ýurduň arasyndaky ikitaraplaýyn gatnaşyklary giňeltmegiň maslahatyny etdi diýip, täjik häkimiýetleri 23-nji awgustda habar berdiler.
Beýleki hyzmatdaşlyk gatnaşyklarynyň arasynda, taraplar bilelikde ýylda 1500 töweregi elektrik ulagyny öndürjek awtoulag kärhanasyny döretmek ylalaşygyna geldiler.
Bu taslama Täjigistanyň “Awesto Group” kompaniýasynyň, täjik prezidenti Emomali Rahmonyň uly ogly Emomali bilen baglanyşykly guramanyň gatnaşmagynda amala aşyrylar.
Umuman, Emomaliniň Hytaýa sapary wagtynda täjigistanly we hytaýly işewürler 400 million dollarlyk söwda şertnamasyna gol çekdiler.