Eýranda 21-nji ýanwarda günorta-gündogardaky Kerman welaýatyndaky harby bazada bir esger öz egindeş gullukçylaryna ot açyp, olaryň bäşisini öldürmekde aýyplanýar.
Harby bölümiň serkerdesi Amir Golamalianyň 22-nji ýanwarda aýtmagyna görä, şahsyýeti takyklaşdyrylmadyk esger Kermanyň demirgazyk-günbataryndaky Zarand şäherinde tussag edilipdir. Heläkçilikli hadysa hem şu ýerde ýüze çykypdyr.
Saklanan wagty onuň ýanyndan iki hüjüm tüpeňi we ok-däriler çykypdyr.
Şu aýyň başynda Kermanda “Yslam döwleti” ekstremistiki toparyň öz üstüne alan bombaly hüjüminde 94 adam heläk bolupdy.