Eýranyň sudy 2022-nji ýylda ýurt boýunça geçirilen köpçülikleýin protestleriň dowamynda bir adamy öldürmekde günäli tapylan polisiýa başlygyny, ölüm jezasyna höküm etdi. Bu barada 27-nji martda ýerli media habar berdi.
Jafar Jawanmardi 2022-nji ýylyň dekabrynda tussag edilipdi. Ol ýurduň berk hijap düzgünlerini bozmakda aýyplanyp, soňy bilen polisiýanyň tussaglygynda ýogalan Mahsa Amaniniň ölümi sebäpli geçirilen köpçülikleýin protestleriň dowamynda, bir demonstranty öldürmekde aýyplandy.
Jawanmardi “Yslamyň kanunlaryna laýyklykda... bilkastlaýyndan adam öldürmek bilen bagly” ölüm jezasyna höküm edildi diýip, janyna kast edilen pidanyň maşgalasynyň aklawçysy aýtdy.