30-njy maýda Eýranda öňümizdäki aý geçmeli prezidentlik saýlawlaryna dalaşgärleri hasaba almak işleri başlandy. Ozalky prezident Ebrahim Raisi dikuçar heläkçiliginde ýogalandan soň, eýranlylar bu wezipä täze birini saýlarlar.
Dalaşgärleri hasaba almak işleri bäş günläp dowam eder. Saýlawlary 28-nji iýunda geçirmek planlaşdyrylýar.
Döwletiň eýeçiligindäki IRNA habarlar gullugynyň maglumatyna görä, eýýäm 25 sany mümkin dalaşgär öz resminamalaryny tabşyrypdyr. Emma olaryň ählisiniň arzalary ret edilipdir.
Tassyk edilen kandidatlaryň ahyrky sanawy 11-nji iýunda, ýurduň Goragçylar Geňeşi tarapyndan yglan ediler. Ýokary ruhany lider Aýatollah Ali Hameneýi bu gurluşyň agzalaryny ýa gönümel belleýär, ýa-da olaryň kandidaturasy tassyklaýar.