Gara deňizde Panamanyň baýdagy bilen hereket eden bir ýük gämisi, Donube portuna däne ýüklemek üçin barýan mahaly, mina uçrady. Bu barada 28-nji dekabrda Ukrainanyň harbylary mälim etdi.
“Gämi hereketini we ugruny ýitirdi, onuň ýokarky palubasynda ýangyn döredi” diýip, Ukrainanyň Günorta harby serkerdeligi Telegram kanalynda ýazgy galdyrdy.
Wakada bir adam keselhana ýerleşdirildi, ýene-de birine gäminiň özünde medisina hemaýaty berildi.