3-nji iýunda Gazagystanyň prezidenti Kasym-Žomart Tokaýew ýurduň “Talyban” toparyny terrorçylaryň sanawyndan çykarýandygyny mälim etdi.
Tokaýew bu barada Kollektiwleýin Howpsuzlyk Şertnamasy Guramasyna agza döwletleriň parlament başlyklarynyň derejesinde Almatyda geçen mejlisiniň dowamynda çykyş etdi. Ol munuň “Talybanyň” dolandyrýan Owganystan bilen söwda we ykdysady gatnaşyklary ösdürmek nukdaýnazaryndan edilendigini belledi.
Mundan başga-da, Tokaýew Russiýanyň, Belarusyň, Gyrgyzystanyň we Täjigistanyň parlament başlyklaryna ýüzlenip, Gazagystanyň Merkezi Aziýa we Owganystanyň durnukly ösüşi boýunça BMG-niň regional merkezini döretmek baradaky başlangyjyny goldamaga çagyrdy.