Gazagystanda ýaşaýan milliarder Mihaýil Lomtadze Angliýanyň “Uikom Uonderers” (“Wycombe Wanderers”) futbol klubuny satyn aldy.
Lomtadze degişli “Blue Ocean Partners Ltd.” kompaniýasy klubuň 90% paýy üçin mälim edilmedik mukdarda serişde harçlapdyr. Klub Angliýanyň birinji ligasynda oýnaýar. Bu Angliýanyň futbol ligasynyň ulgamyndaky wajyplylygy boýunça üçünji diwiziondyr.
Gruziýada doglan Lomtadze Gazagystandaky iň iri finteh kompýaniýasy Kaspi.kz-iň baş dolandyryjysydyr. 2024-nji ýylda Forbes neşiri Lomtadzeni özüniň milliardlerler sanawynda 581-nji orunda ýerleşdirdi. Onuň $5.7 milliard serişdesiniň bardygy çaklanýar.