Gazagystanyň prezidenti Kasym-Žomart Tokaýew we Hytaýyň lideri Si Szinpin 17-nji oktýabrda Pekinde ikitaraplaýyn gatnaşyklary ara alyp maslahatlaşdy.
Gazagystanyň prezident edarasynyň maglumatyna görä, Si Tokaýewi “köne dost” diýip atlandyrdy we, “halkara ýagdaýlarynyň nähili üýtgeýändigine garamazdan, goňşy ýurtlaryň bir-birine seretmelidigini” aýtdy.
Tokaýew öz ýurdunyň Pekiniň “Bir guşak we bir ýol” maksatnamasyny goldaýandygyny, gündogar goňşusy bilen söwda we ykdysady hyzmatdaşlygy güýçlendirmek babatynda açykdygyny aýtdy.
Tokaýew we Si mundan öň maý aýynda, Pekiniň Merkezi Aziýa liderleri bilen Hytaýyň Sian şäherinde geçiren ilkinji sammitinde duşuşdy.