Astana kazyýeti 21-nji noýabrda Gazagystanyň hasaba alynmadyk “El Tiregi” (Halk diregi) partiýasynyň lideri Nuržan Altaýewi para almakda günäkär tapandygyny aýdyp, 10 ýyl azatlykdan mahrum etdi. Öňki kanun çykaryjy bu aýyplamany üzül-kesil inkär edýär we onuň syýasy sebäpli oýlanyp tapylan aýyplama bolandygyny öňe sürýär.
2021-nji ýylda dolandyryjy “Amanat” partiýasyny terk eden we Adalat ministrligini öz döreden partiýasyny resmi taýdan hasaba almazlykda aýyplan Altaýew iýun aýynda tussag edildi.
Astana kazyýeti ony aprel aýynda, köpçülikleýin ýygnanyşyklary geçirmek düzgünlerini bozmakda aýyplap, 15 gün azatlykdan mahrum edipdi.