Germaniýanyň daşary işler ministri Annalena Baerbok Russiýanyň Ukrainada dowam etdirýän urşunyň fonunda Baltika deňzi sebitindäki ýurtlaryň ýakyn howpsuzlyk hyzmatdaşlygyny nygtady.
“Biziň her birimiziň howpsuzlygymyz biziň hemmämiziň howpsuzlygymyzdyr – bu Baltika deňzi sebitinde hem şeýledir” diýip, Baerbok 1-nji iýunda Baltika deňzi sebitindäki döwletleriň Geňeşiniň duşuşygynyň başynda aýtdy.
Baltika deňzi sebitindäki ýurtlaryň daşary işler ministrleri Germaniýanyň Baltika ýakasynda ýerleşýän taryhy Wismar şäherinde duşuşdy.
Baerbok, şeýle-de, Ukrainadaky urşuň sebit üçin, hususan-da geňeş üçin, öwrüm nokady bolandygyny aýtdy.