9-njy ýanwarda Günorta Koreýanyň parlamenti ýurtda itiň etini iýmit hökmünde gadagan edýän kanun taslamasyny tassyklady. Bu haýwanlaryň hukuklaryny goraýjylaryň muňa gadagançylyk girizmek boýunça edýän çagyryşlarynyň we ýurduň halkara abraýy baradaky aladalaryň arasynda amal edildi.
Koreýa ýarymadasynda ýüzlerçe ýyldan bäri itiň eti iýmit hökmünde ulanylýardy. Bu tejribe Günorta Koreýada ne resmi ýagdaýda gadagan edildi, ne-de kanunlaşdyryldy.
Soňky barlaglaryň netijelerine görä, Günorta Koreýada ilatyň aglaba bölegi munuň gadagan edilmeginiň tarapynda çykyş edýär, şeýle-de itiň etini düýbünden iýmeýär.
Şol bir wagtda, barlaglarda Günorta Koreýanyň ilatyň üçden bir böleginiň, itiň etini iýmeseler-de, onuň gadagançylyga garşy çykýandygy bellenilýär.