Gyrgyzystanyň Milli howpsuzlyk komiteti 9-njy oktýabrda geçen hepde Bişkekde geçirilen ýörite operasiýada öldürilen jenaýat ketdesiniň, Kamçi Kolbaýewiň 1 milliard dollarlyk emläginiň konfiskasiýa edilendigini aýtdy.
Waşington Kolbaýewi 2011-nji ýylda neşe gaçakçylygynda güman edilýän esasy neşe söwdagärleriniň global sanawyna goşdy.
49 ýaşly erkek “kanunlaşan ogry” hökmünde tanalýardy, öňki sowet respublikalarynda bu at-dereje, däp boýunça, jenaýatçy toparlaryň arasynda aýratyn tapawutlanan, ýakasyny tanadan şahslara berilýärdi.
ABŞ-nyň Döwlet departamenti 2014-nji ýylda Kolbaýewiň jenaýatçylyk ulgamynyň maliýe mehanizmleriniň üstüni açmaga kömek etjek maglumat üçin 1 million dollar baýrak teklip etdi.