Bütindünýä awtomobil ulaglary birleşigi (IRU) Hytaýyň ilkinji TIR (Halkara ulag transport) ýük ulagynyň ýurduň günortasyndaky Şenzen şäherinden özüniň soňky barlamaly nokady – Özbegistanyň paýtagty Daşkende tarap ýola düşendigini mälim etdi. Bu 6 müň 500 kilometerlik täze transport geçelgesi Gyrgyzystanyň üstünden hem geçýär.
Bütindünýä awtomobil ulaglary birleşiginiň maglumatyna görä, ulaglar täze ugur arkaly Şenzen şäherinden Daşkende çenli ýedi günde aşyp bilerler. Ozalky TIR bolmadyk ýollar arkaly bu syýahat 20 güne çenli çekip bilýärdi.
2023-nji ýylda Hytaýyň transport kompaniýasy Şenzen şäherini Gazagystanyň iň iri şäheri Almaty bilen birleşdirýän meňzeş TIR ýük ulag ugruny ýola goýupdy.