11-nji ýanwarda Owganystanyň paýtagty Kabulyň günbatar sebitinde amala aşyrylan bombaly hüjümde iki adam öldi. Bu barada ýerli polisiýa habar berdi.
Bu bir hepdäniň içinde Kabulda amala aşyrylan adam pidaly üçünji partlama boldy.
Polisiýanyň maglumatyna görä, hadysa paýtagtyň şaýy musulmanlarynyň hazarylar etniki toparynyň köplük bolup ýaşaýan Daşt-e-Barçi sebitinde bolup, partlama el granatynyň ýarylmagy sebäp bolupdyr.
11-nji ýanwarda irden metjidiň golaýynda başga-da bir partlama boldy. Munuň netijesinde dörän adam ýitgileri we zyýançylyk barada dessine maglumat elýeterli edilmedi.