Russiýanyň Demirgazyk Kawkaz regionyndaky Çeçenistan respublikasynyň diýdimzor dolandyryjysy Ramzan Kadyrowyň ýakyn ýarany Magomed Daudow çeçen parlamentiniň başlygy wezipesinden çekilýändigini yglan etdi. Ol dokuz ýyl eýelän bu wezipesinden gidýändigini 15-nji maýda mälim etdi.
ABŞ we Britaniýa Daudowyň Çeçenistandaky adam hukuklarynyň köpçülikleýin bozulmagyndaky roly üçin, oňa garşy sanksiýalary girizdiler.
Geçen ýyl Ukrainanyň Howpsuzlyk gullugy Daudowy Moskwanyň Ukrainadaky dowam etdirýän urşunda aktiw roly oýnamakda aýyplap, oňa garşy iş gozgady.
Kadyrowyň Telegram kanalynda ýazmagyna görä, çeçen parlamentiniň täze başlygy hökmünde, 69 ýaşly Şaid Žamaldaýew bellenipdir. Ol mundan öň parlamentiň spikeriniň orunbasary bolupdy.