Şu hepdäniň aýagynda başlanýan Haj zyýaratlarynyň öňünden, ýyllyk haj möwsüminiň öz ýokary derejelerine dolanmagy bilen, Saud Arabystanynyň mukaddes Mekge şäherine gelýän musulmanlar köpelýär.
Saud Arabystanyň resmileri 11-nji iýuna çenli ýurda 1,5 milliondan gowrak daşary ýurtly zyýaratçynyň gelendigini aýdýarlar.
Ýene has köp zyýaratçynyň gelmegine garaşylýar we 14-nji iýunda, zyýarat resmi taýdan başlananda, olara Saud Arabystanynda ýaşaýan ýüzlerçe müň saudly we beýleki adamlar hem goşular.
Saud resmileri şu ýyl zyýaratçylaryň sanynyň 2023-nji ýyldakysyndan hem geçmegine garaşýandyklaryny aýtdylar.
Geçen ýyl bu ýurda haj parzyny amal etmek üçin üçin 1,8 milliondan gowrak adam gelipdi.