Nobel baýragynyň laureatlarynyň 20-den gowragy Belarusdaky ýüzlerçe syýasy tussagy, şol sanda 2022-nji ýylda Parahatçylyk boýunça Nobel baýragyna mynasyp bolan, adam hukuklaryny goramak boýunça baýry aktiwist Ales Býalýatskini azat etmäge çagyrdylar.
Bu baradaky hata Nobel baýragynyň öňki 27 laureaty, şol sanda 2015-nji ýylda Edebiýat boýunça Nobel baýragyna eýe bolan belarusly ýazyjy Swetlana Alekseýewiç we 2021-nji ýylda Parahatçylyk boýunça Nobel baýragyny alan russiýaly žurnalist Dmitriý Muratow hem gol goýdular.
Hatda diýdimzor dolandyryjy Aleksandr Lukaşenkanyň soňky prezidentlik saýlawlarynda özüniň ýeňiş gazanandygyny öňe süreninden bäri, 50 müňden hem aşa adamyň “syýasy repressiýalara” sezewar edilendigi aýdylýar. Günbatar we oppozisiýa syýasatçylary Lukanşenakyň ýeňendigini aýdýan saýlawlaryň galplaşdyrylandygyny belleýärler.
Hatyň awtorlary Belarusda ýüzlerçe müň raýatyň ýurdy terk etmäge mejbur edilendigini we müňlerçesiniň hem gynalandygyny nygtaýarlar.