Gazagystanyň howpsuzlyk güýçleri, özbek häkimiýetleriniň haýyşy boýunça, garagalpak aktiwistini we oppozisiýa partiýasynyň agzasyny tussag etdi diýip, AÝ/AR-nyň Gazak gullugy habar berýär.
Oppozisiýadaky “Öňe Garagalpagystan” partiýasynyň agzasy Rasul Žumaniýazow 26-njy martda tussag edildi diýip, Gazak gullugy partiýa lideri Aman Sagidullaýewiň sözlerine salgylanyp aýtdy.
Žumaniýazow 2024-nji ýylda Gazagystanda tussag edilen ikinji garagalpak aktiwisti bolup durýar. Garagalpaklar Merkezi Aziýanyň türki dilli halklarynyň biri bolup, olaryň ýaşaýan sebiti 1930-njy ýylda Russiýanyň Sowet Federatiw Sosialistik Respublikasynyň içinde awtonom respublika bolmazyndan öň Gazagystanyň içinde bir awtonom sebit bolupdy.
Soňra, 1936-njy ýylda bu sebit Özbegistanyň bir böleginde awtonom respublika boldy.