30-njy iýulda Pakistanyň demirgazyk-günbatarynda, söweşijileriň Owganystan bilen serhediň alkymynda ýerleşýän öňki berkitmesinde gurnan syýasy ýygnanyşygynda bir janyndan geçen bombaçy özüni partladyp, azyndan 44 adamyň ölümine, 200-e golaý adamyň ýaralanmagyna sebäp boldy.
Ýokary derejeli ýolbaşçynyň aýtmagyna görä, bu hüjüm pakistanly yslamçylary gowşatmaga gönükdirilipdir.
Owgan serhediniň golaýyndaky Bajur etraby, Pakistan goşuny söweşijileri bu sebitden kowup çykarmazyndan ozal, Pakistan Talybanynyň, Owganystanyň “Talyban” hökümetiniň ýakyn ýarany bolan hereketiň berkitmesi bolupdy.
Pakistan Talybany ýa-da TTP “Associated Press” habar gullugyna iberen beýanatynda bu partlamanyň yslamçylary biri-birine garşy goýmak maksady bilen guralandygyny aýtdy.