10-njy martda Pakistanyň demirgazyk-günbataryndaky Peşawar şäherinde partladyjyly bir motosiklet ýaryldy, wakada iki adam öldi, başga-da ençemesi agyr ýaralandy. Bu barada polisiýa habar berdi.
Peşawaryň polisiýasy motosiklete 4-5 kg möçberde partladyjynyň ýerleşdirilendigini we onuň wagtyndan ir ýarylandygyny aýtdy. Hüjümiň nyşanasy aýdyňlaşdyrylmady.
Peşawar ýurduň Khyber-Pakhtunkhwa welaýatynyň paýtagt şäheridir. Bu sebitde ozallar “Pakistanyň Talybany” jeňçi topary giňden hereket edýärdi. Soňky ýyllar şäherde ençeme ganly hüjüm amal edildi.