Russiýanyň prezidenti Wladimir Putin Ukrainadaky alyp barýan urşy babatynda yza çekilmek alamatlaryny görkezmän, öňde goýlan maksatlaryň saklanýandygyny we parahatçylygyň olar durmuşa geçirilende ornaşjakdygyny aýtdy. Ol bu barada 14-nji dekabrda geçirilen ýyllyk metbugat ýygnagynyň dowamynda aýtdy.
Geçen hepde martdaky prezidentlik saýlawlarynda bäşinji möhlet üçin dalaş etjekdigini yglan eden Putin, Russiýanyň Ukrainadaky maksatlarynyň “de-nasifikasiýadan” we “harbysyzlandyrmakdan”, şeýle-de Ukrainanyň bitaraplygyny kepillendirmekden ybaratdygyny aýtdy.
“Biz maksatlarymyza ýetenimizde, parahatçylyk bolar” diýip, 71 ýaşly Putin aýtdy.