Ukrainada söweşýän rus esgerleriniň aýallary we garyndaşlary Moskwada ençeme kiçi protestleri geçirdiler. Bu Kremliň alyp barýan syýasatyna garşy beýan edilýän nägilelikli çykyşlaryň biri boldy.
6-njy ýanwarda sosial torlarda paýlaşylan wideolarda we suratlarda aýallaryň Goranmak ministrliginiň we beýleki hökümet edaralarynyň öňünde geçiren ýekelikdäki protestlerini synlasa boldy.
Bu çäre “Öýe barýan ýollar” atly topar tarapyndan guramalaşdyryldy. Onuň düzüminde esasan aýallar bolup, olar frontdaky ärleriniň we ogullarynyň rotasiýa edilmegini ýa-da doly yzyna gaýtarylmagyny talap edýärler.
Polisiýa bu çärä gatyşmady we hiç kimi saklamady. Öňki jemgyýetçilik protestleriniň bada-bat öňi alynýardy.