31-nji maýda irden Russiýa Ukrainanyň paýtagtyna “Iskander” kysymly raketa we dronlar bilen hüjüm etdi.
Kiýewiň harby administrasiýasynyň başlygy Serhiý Popko zarbalarda Holosýiwskiý etrabyndaky bir jaýda ýangynyň dörändigini aýtdy. Ol adam pidalarynyň bolmandygyny belledi. Popko paýtagta atylan dronlaryň ählisiniň howa hüjüminden goranyş ulgamlary tarapyndan urlandygyny hem sözüne goşdy.
Bu aralykda, Ukrainanyň Harby howa güýçleri Russiýanyň öten agşamyň dowamynda demirgazyk-gündogardaky Harkiw şäherine dolandyrylýan bäş raketany atandygyny habar berdiler.