Russiýanyň Goranmak ministrliginiň beren maglumatyna görä, 23-nji maýda ýurduň howa hüjüminden goranyş ulgamlary, Belgorod regionyny nyşana alan, Ukrainanyň atan raketalaryny we dronlaryny urup düşürdi.
“Nobatçylyk çekýän howa hüjüminden goranyş ulgamlary Belgorod regionynyň üstünde Wilha kysymly raketalaryň üçüsini, Wampire kysymly raketalaryň 32-sini we pilotsyz uçýan enjamlaryň üçüsini urup düşürdi” diýip, ministrlik Telegram hasabynda ýazgy galdyrdy.
Belgorodyň häkimi Wýaçeslaw Gladkowyň maglumatyna görä, hüjümiň netijesinde adam pidalary bolmandyr, ýöne gaçan galyndylar sebäpli çagalaryň iki lagerine zeper ýetipdir.
Bu aýdylanlary garaşsyz ýagdaýda bada-bat tassykladyp bolmady.
Ukraina bu boýunça beýanat bilen çykyş etmedi.