6-njy iýunda irden Russiýanyň Rostow regionynyň Nowoşahtinsk şäherindäki nebiti gaýtadan işleýän zawoda edilen dron hüjüminde, desgada ýangyn döredi. Bu barada regional häkim Wasiliý Golubew aýtdy.
Ol ýangynyň 100 m2 meýdany gurşap alandygyny, we deslapky maglumatlara görä hadysada adam pidalarynyň ýa-da şikeslenenleriň ýokdugyny aýtdy.
Bu Nowoşahtinskdäki nebiti gaýtadan işleýän zawoda edilen üçünji hüjüm boldy. Martda we aprelde urlan zarbalarda desganyň işi wagtlaýyn togtadylypdy.
Bu aralykda, Belgorodyň regional häkimi Wýaçeslaw Gladkow dron bilen Staryý Oskol etrabyndaky nebit deposyna hüjüm edilendigini we onda ýangynyň dörändigini mälim etdi.